اقوله .. اغابى
يقول .. ارهابى
اقول .. ربنا موجود
يقول .. اغلال وقيود
اقول .. محبه
.....يقول .. كدبه
اقول .. فرح
يقول .. جرح
اقول .. سلام
يقول .. الغام
اقول .. طول اناه
يقول .. جانى وجناه
اقول .. لطف
يقول .. خطف
اقول .. صلاح
يقول .. طلاح
اقول .. تعفف
يقول .. تعسف
اقول .. عايشين عالارض ضيوف
يقول .. سكاكين ومطاوى وسيوف
دا الفرق بينى وبينه

++مسيحى و افتخر++

 

كيف تتخلص من جارك المسيحي بأقل مجهود

by Mostafa Helmy on Wednesday, April 20, 2011 at 11:29pm

أخي المتطرف، أختي المتطرفه

...

هل لك جار دائم الإبتسام في وجهك، ولكنك لا تطيقه؟

..

ألا تكره أن جارك إسمه الثلاثي لا يحتوي على إسمي محمد أو أحمد؟

ألا يستفزك إنك تضطر إلى الإستيقاظ قبل الظهيره في يوم أجازتك لتلحق بصلاة الجمعه، في حين ينام هو هنيئاً حتى العصر؟

هل سأمت تصرفه كأنه بني آدم عادي مثلك بالرغم أن إسمه ميخائيل؟

ألا يضايقك أنه يتعامل كأنه يعيش في بلده؟...فيشارك في المظاهرات ضد النظام، ويشارك في الحروب، وإمعاناً في الإستهبال قد يسقط قتيلا في أحدهما؟

ألا يعكر صفوك أن وقوع إبنتك في غرام إبن الجيران المسيحي قد يتسبب في فتنه طائفيه، في حين إنه إذا كان مسلماً، كان الأمر سينتهي بمجرد فضيحه بسيطه؟

هل جارك لا يصلح ان يكون محافظاً لقنا؟

ألا يرهقك أن أعياد جارك العزيز، لا تتزامن مع أعيادك ...مما يكلفك الكثير من ال

SMSs

والإبتسامات والمعايدات؟

هل جارك يقول "صدقني" بدلاً من أن يقسم بالله؟

هل يقول "وعليكم السلام" فقط...ولا يزيد عليها الرحمة والبركات؟

هل يتفوق إبن جارك على إبنك في الرياضيات والعلوم؟

إذا كانت إجابتك على الأسئله الماضيه بنعم...إذن فأنت في حاجه شديده إلى برنامجنا..

تخلص من جارك المسيحي بأقل مجهود..

الأدوات التي تحتاج إليها

:

2 طقم ملابس أفغاني + قباب خشبي + 1 لحيه مستعاره (إذا كنت غير مشعر بما يكفي لإطلاق لحيه كثيفه) + حواجب كثيفه منكوشه

Reference

الحواجب (كفار قريش في فيلم الرساله)

خطوات التخلص البسيطه

1-     تشغيل خطب يوميه على أعلى درجات الصوت، تتحدث عن عذاب القبر والآخره الذي ينتظر غير المسلمين.

2-     مع فجر كل يوم، توضأ، وأخرج من شقتك وقف أمام شقة جارك، وإرفع الآذان بأعلى صوت تسمح به حنجرتك...ثم أقم صلاة الجماعه مع جيرانك أمام باب شقته، كأنك تطهر المكان بالصلاه أمامه.

3-     كلما رأيت زوجته أو إبنته وشعرهما مكشوف، أدر بصرك إلى الناحيه الأخرى كأنك رأيت عفريتاً، ثم إستغفر ربك بصوت عالي ليسمعوه.

4-     كلما لاقيته على باب العماره أو وانت داخل او خارج من شقتك، حدثه عن مزايا الهجره إلى كندا.

5-     قل له دائماً كلام من نوعية "إنت قاعد معانا معزز مكرم"...و"إنت هنا زيك زيّنا"...و"ماتخافش على نفسك ولا على أولادك، ده إحنا نشيلكم في عنينا"....لأن هذا الكلام يشعره مع مرور الوقت كأنه ضيف، وإن إنت مقعده معاك كرم أخلاق منك.

6-     في أي مناسبه عرفه على أصدقاءك، وقل لهم الجمله الشهيره " الأستاذ جرجس جاري...متربيين مع بعض..عمري ما حسيت أبداً إن فيه فرق ما بينا"...لأنك كلما تحدثت عن عدم وجود فرق مابينكم، كلما تزايد إحساس أن هناك ما يفترض أن يفرق مابينكم....أو يمكنك قول الجمله الأكثر إستفزازاً وهي " الأستاذ جرجس جاري...راجل مسيحي...بس كويس قوي"...وكأنما المسيحيه وأن تكون راجل كويس صفتين قلما إجتمعا في شخص واحد.

7-     في أي عيد للمسيحيين سلم عليه بحراره شديده، وكن ودوداً...لكن لا تهنئه أبداً بالعيد...لأن هذا إعتراف ضمني بأن هناك عيد يستحق أن تهنئه بحلوله.

8-     إحرص على عمل حساب لنفسك على فيس بوك، وأضف جارك إلى قائمة الأصدقاء الخاصه بك، ثم شير فيديوهات مستفزه لمناظرات بين شيوخ وقساوسه...أو أصنع جروبات تتحدث عن عري المسيحيات وادعوه إليها...وأخيراً، أبدل صورة البروفايل الخاصه بك بصوره للشيخ محمد حسين يعقوب وهو يشير بعيداً وأكتب تحتها... البلد بلدنا.

أخي المتطرف...

نفذ هذه الخطوات بدقه، وإستمتع بحي إسلامي 100% في خلال مده لا تزيد على 30 عاماً.

مع تحيات شركة عبود الزمر (زمركو) لقتل الرؤساء.

مصطفى حلمي

إبريل 2011

(إخوتي أقباط مصر وجميع المصريين... كل سنه وأنتم طيبين

---------------------------------------------------------------

القصة كما حكاها شاهد عيّان

في واحدة مسيحية اسمها عبير , أسلمت و هربت من اهلها* و اتجوزت واحد مسلم لن يظهر في أحداث القصة
المسيحيين خطفوها في غفلة من الزمان , اتصلت بقى بالتليفون بواحد سلفي , معرفش عرفت منين إنه سلفي ولا شيعي ولا صوفي ولا توجهه الفكري إيه ,   و معرفش جابت نمرته أو جابت التليفون منين و هي مخطوفة** ,المهم , الراجل الدم غلي في عروقه بناء عن مكالمتها التليفونية المجهولة*** و راح جري  و لم 4000 سلفي ( قعد يزعق رفي الشارع يا سلفيين تعالوا يا سلفيين تعالوا فالسلفيين اتلموا بقى ) و راحوا يحرقوا الكنيسة و البنت المخطوفة جوة ( مش عارف هم كانوا ناويين يطلعوها بعد ما الكنيسة تولع ولا هيضحوا بيها و خلاص )  , و زي ما قلنا هي متجوزة واحد مسلم بس مالوش وجود في القصة مش عارف ليه ( تقريبا كان مسافر إعارة)****ء

بس يا سيدي فالمسيحيين كانوا قاعدين برشاشات على سطوح عمارة قصاد الكنيسة ( عادي يعني ده الطبيعي بتاع المسيحيين , طول عمري بشوفهم برشاشات فوق السطوح ) و ضربوا نار على السلفيين , و طبعا السلفيين معهمش سلاح ناري , دول معاهم مولوتوف *5 و سلاح أبيض ( جو سيوف و رماح و خناجر  بقى و كدة ) و ابتدوا يصرخوا و الله لندبحهم ... هجوووم .. و هنا فجأة و بدون مقدمات , المسلمين و المسيحيين بدأوا يحموا الكنيسة و يهتفوا " مسلم و مسيحي إيد واحدة " , و بعدين الجيش و الشرطة جم , و محدش فاهم حاجة

في السنة اللي حمينا بعض فيها و إحنا بنصلّي في التحرير ... ولعنا فيها برضه في بعض عشان مابنفهمش
فتنة عربي .. ام الأجنبي
-----------------------
الهوامش
*كل اللي بيسلموا تقريبا بيبقوا ستات مش رجالة مش عارف ليه
**راجع فيلم : جعلتني مجرما
***راجع فيلم : رسالة من امرأة مجهولة
****إعارة يا حاجة , إعارة
*5 المولوتوف .. مشروب الفتاة المهذبة و الراعي الرسمي لمصر 2011 .. أي حاجة لازم يتحشر فيها المولوتوف مع إنهم إخترعوه أيام صلاح الدين و الأبراج تقريبا مش جديد يعني