Call Center Experiences

*انا لسة سايب الشغل في Teleperformance امبارح !!! فعلا قاعدة البيت زي الزفت


بس اسمع بقى بدر التمام في موضوع الكول سنتر دة

المرتب جميل و ستارت مش هتلاقيه في اي شغل تاني بس لو كملت في كول سنتر و مسبتوش حتى لو معندكش بديل يبقى خلاص هتفضل طول عمرك في كول سنتر
و هتكبر في السن و تعدي الثلاثين و لسة ايجنت و مينفعش ساعتها تسيب الشركة اللي انت شغال فيها حتى لو هيدوك بالجزمة !!! عشان خلاص يا لورد القطر فات و مينفعلكش اي حاجة تانية و مفيش اي خبرة غير في الكول سنتر يعني حتى لو سبتهوم هتروح لكول سنتر تاني و خلاص مستقبلك ادفن في الروتيشنال شيفتس و التيليفون و "الافايا\سيسكو" 
علشان خاطر مستقبلك و مستقبل اي شاب ... لو محتاج فلوس فترة معينة اشتغل في كول سنتر غير كدة "فر من الكول سنتر فرك من الاسد"
صاحبي راح يقدم محاسب في Delta بـ 1800 و انا في Teleperformance بـ حوالي 3000 بس شوف انا مرتبي و مستقبلي وقف عند المرتب دة و شغل صبح و ليل ليل و صبح و و الله مفيش وقت آكل!! و تقريبا كدة ادمنت المخدرات عشان اقدر استحمل هههههه
و صاحبي ربنا يبارك له ساب Delta و راح Azadea و بقى Senior و بياخد اد مرتبي مرة و نص و عنده عرض من دبي و لسه بيفكر!!!
دة راجل حسبها صح و مشي ورا مـــســــتـــــقــــبــــل بــــعــــيـــــد الــــمـــدى و مبصش للـ 3000 ملطوش اللي هيطلع عين اهلك بيهم و هتدفن نفسك و حياتك بيهم 
نهاية الكلام ... لما تحس انك بتكبر في السن اخلع بسرعة و اشتغل اي حاجة تانية حتى لو بمرتب اقل بس شغل آدمي يبقى عندك ساعتها وقت تدرس و تاكل و تعيش و تدور على شغل و تاخد شهادات و ترقي نفسك
و كدة كدة الكول سنتر مش هيطير و أكتر من الهم على القلب ... و لو عندك 40 سنة ممكن بكرة تشتغل في TP مفيش سن معين.

*
أنا مروحتش كول سنتر عربى خالص و كانت الكول سنترز اللى أشتغلت فيها - مدة سنتين - أنجلش .. زى Teleperformance و Vodafone UK .. 


المرتبات فى أى أكونت عربى تقريباً لا تقارن بمرتبات أكونت أنجلش أو أسبانى أو أى لغة تانية ....


و بالتالى بعد كورس أنجلش فى معهد ما ، نزلت فى خدمة العملاء و الشغلانة حقيقى متعبة و دايماً أنت تحت ضغط بس الأهم أنه أنا بتشتغل علشان أصرف على نفسى و علشان أجيب كذا و كذا و كذا ..


فيعنى كان دايماً فى حاجه عاوزة أعملها أو أجيبها و عشانها كنت لازم أتفحت ..


يمكن بعد سنة و 3 شهور من أول كول سنتر سيبته علشان الأمتحانات و الجيش ... و رجعت على كول سنتر تانى كملت فيه 7 شهور و إلى الأن..


عارفين لما تبتدى من الأول خااااااااااالص ... تبتدى السلم من أوله و أنت already كنت مثلا على الدرجة التالتة .. 


كنت متضايق لأنى مشيت من الكول سنتر الأول ... 


بس حقيقى لما تخرج بره الكول سنتر و تبتدى تتدور على شغل لأنك أكيد هتزهق من قعدة البيت غير أنه لو كان ليك التزامات لازم توفيها .. يمكن هتقعد فترة كبيرة تدور و لما حد يكلمك علشان أنترفيو .. وتروح .. تفاجأ أنه مرتبك لا يتعدى 1200 جنيه فى حين أنك كنت زمااااااان بتاخد 2000 جنيه !!


اللغة ثم اللغة ثم اللغة!!


سيبكوا من العربى (( أقصد ك أكونت عربى )) و ظبط الأنجلش و روح على أى أكونت أنجلش فى أى كول سنتر Customer service 


و الدنيا هتظبط :)


شىء محزن أنك كمحامى بتشغل خدمة عملاء و لما تقعد على ال Floor (( ده مكان الشغل )) تلاقى جنبك خريج إعلام و تجارة و أداب و صيدلة و هندسة !!


كلكوا بتكتبوا فى ال CVs بتعاعتكوا 
I'm able to work under stress


طبقوا الجملة دى بقى و أشتغلوا تحت ضغط :)




ان شاء الله الأيام الجاية تكون أكثر راحة للكل ..


بيشوى


*


من الأخر .. بعد الأنترفيوهات اللى الواحد حضرها فى أكتر من شركة


تقريباً الغلطات مشتركة و اللى بسببها ناس كتير مش بتتقبل


يمكن أهمها النطق الصح لل P و B


لما تنطق P طلع هوا من بقك 
أما B مش بيخرج هوا 
يعنى 
People 
مش 
Bebol


أدخــــــــــل على Utube و أعرف أزاى الناس بتنطقها علشان متقولش محدش قاللى..
شوف الفيديو ده و قلد الراجل كويس و دور على كلمات كتيييير فيها الحروف دى و صلح الغلط اللى عندك:
http://www.youtube.com/watch?v=g9zgE5tsFx8
أو UGoEigo English Sounds Lesson 1: B & P - YouTube


برده ال TH sound
يعنى
Thing ثنج
مش سنج


حرف ال ث


حاجات بسيطة بس ممكن فعلا تضيع
:)


فيعنى بدل ما تاخد 800 جنيه أو 1200 يا سيدى
ممكن تاخد 2000 أو 2400 ، فيعنى أتعلم بسرعة و الوقت معاك
و الكول سنترز هتروح فييييييين ... قاعدة منتظرة 
والجميل أنه الواحد يفضل يتعلم ..


الاوت باوند الضغط فيه اكبر من الان باوند فى عدد المكالمات و بيكون مطلوب منك عدد اوفر اكسبت ده غير انك فى الان باوند التوك تايم فيها سريع انما الاوت بتطول فى المكالمه علشان تكسب توك تايم يعنى ممكن اقل مكالمه تقعد معاك من ربع لتلت ساعه وانت كل ده بتتكلم اكتر مابتسمع انا اشتغلتها فى فودافون وصوتى راح و سيبتها ده غير ان نتيجه الخبره فى الاتنين زيرو